Priyanka Chopra: ఇన్‌స్టాగ్రామ్‌లో ఒక్క పోస్టుకి ఎంత తీసుకుంటారంటే?

సోషల్‌ నెట్‌వర్కింగ్‌ సైట్స్ అనేవి ఇప్పుడు అందరికి అలవాటుగా మారిపోయింది. ఇక ఎందులో ఉన్నా లేకపోయినా కూడా టాప్ మోస్ట్ సెలబ్రెటీలు ఇన్‌స్టాగ్రామ్‌లో తప్పనిసరిగా ఉంటున్నారు. ఫేస్ బుక్ తరువాత ట్విట్టర్ డామినేట్ చేయగా ఇప్పుడు మెల్లగా ఇన్‌స్టాగ్రామ్‌ నెటిజన్లను ఎక్కువగా ఎట్రాక్ట్ చేస్తోంది. ఫోటోలకు బెస్ట్ యాప్ కావడంతో హీరోయిన్స్ అయితే గట్టిగా వాడేస్తున్నారు. ఇక ఈ సోషల్ నెట్ వర్క్ సైట్ లో ఫాలోవర్స్ పెరిగితే ఆదాయం కూడా గట్టిగానే వస్తోంది.

ఇటీవల హాపర్‌హెచ్‌క్యూ 2021 అనే సంస్థ ‘ఇన్‌స్టాగ్రామ్‌ రిచ్‌లిస్ట్‌’ అంటూ ఒక జాబితా విడుదల చేసింది. ఇక అందులో యాడ్స్ పరంగా ఒక్క పోస్టుకు టాప్ ఫాలోవర్స్ ఉన్న సెలబ్రెటీలు ఎంత తీసుకుంటారు అనే వివరాలను తెలిపారు. వరల్డ్ మొత్తంలో పుట్‌బాల్‌ స్టార్‌ క్రిస్టియానో రొనాల్డొ అగ్రస్థానంలో ఉంటూ 11.9కోట్లు అందుకుంటున్నాడు. ఇక డబ్ల్యూడబ్ల్యూఈ స్టార్, హాలీవుడ్‌ హీరో స్టార్‌ డ్వేన్‌ జాన్సన్‌ (ది రాక్) 11కోట్ల వరకు అందుకుంటున్నాడు.

వరల్డ్ వైడ్ గా విరాట్ కోహ్లీ టాప్ 20లో నిలిచాడు. కోహ్లీ ఇన్‌స్టాగ్రామ్‌ లో ఒక్క పోస్టు చేసినా 5కోట్లు అందుతాయి. ఇక ఆ తరువాత ప్రియాంక చోప్రా 27వ స్థానంలో నిలిచిన ఏకైక బాలీవుడ్ హీరోయిన్. ఆమె ఒక్క పోస్టుకు 3కోట్ల వరకు అందుకుంటుందట. మిగతా ఇండియన్ స్టార్స్ ఎవరు కూడా ప్రస్తుతం ఆ రేంజ్ లో అందుకోవడం లేదని సమాచారం. ఇక టాలీవుడ్ లో కొంతమంది లక్షల్లో ఆదాయాన్ని అందుకుంటున్నారు.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!