Raai Laxmi: రాయ్ లక్ష్మి ఎంగేజ్మెంట్ ఎప్పుడంటే..?

April 7, 2021 / 11:25 AM ISTByFilmy Focus

Join Us

Raai Laxmi: రాయ్ లక్ష్మి ఎంగేజ్మెంట్ ఎప్పుడంటే..?

‘కాంచనమాల కేబుల్ టీవీ’ సినిమాతో తెలుగు ప్రేక్షకులకు పరిచయమైన బ్యూటీ రాయ్ లక్ష్మి. అయితే తెలుగులో ఈమెకి సరైన గుర్తింపు రాలేదు. కానీ మెగాస్టార్ చిరంజీవి, పవన్ కళ్యాణ్ ల సరసన ఐటమ్ సాంగ్స్ లో నటించి కాస్త పాపులారిటీ దక్కించుకుంది. కానీ ఆమెకి పెద్దగా అవకాశాలు రాలేదు. కోలీవుడ్ లో కూడా ఈ బ్యూటీ చేతిలో సరైన సినిమాలు లేవు. దీంతో ఇప్పుడు తన కెరీర్ ను పక్కన పెట్టేసి పెళ్లి చేసుకోవాలని నిర్ణయించుకుంది రాయ్ లక్షి. చాలాకాలంగా ఈమె ప్రేమలో ఉందంటూ వార్తలు వస్తున్నాయి.

సోషల్ మీడియాలో అభిమానులు ఈ విషయం గురించి ఆమెని అడుగుతూనే ఉన్నారు. ఈ ప్రచారానికి ఫుల్ స్టాప్ పెట్టాలని భావించిన రాయ్ లక్షి తన రిలేషన్షిప్ గురించి ట్విట్టర్ ద్వారా క్లారిటీ ఇచ్చింది. తను రిలేషన్షిప్ ఉన్న మాట నిజమేనని.. ఈ విషయం ప్రకటించడానికి తనకు ఎలాంటి అభ్యంతరం లేదని చెప్పింది. కానీ ఇది పూర్తిగా తన వ్యక్తిగత విషయమని.. తన జీవితభాగస్వామికి సంబంధించిన వివరాలు ఇప్పుడే చెప్పలేనని తెలిపింది.

ఎంగేజ్మెంట్ డేట్ ఫిక్స్ అయిందని.. ఈ నెల 27న ఈ వేడుక జరగనుందని చెప్పింది. ఈ కార్యక్రమానికి స్నేహితులను, బంధువులను ఆహ్వానించినట్లు వెల్లడించింది. అయితే ఎంగేజ్మెంట్ వేడుక ముందు నుండి ప్లాన్ చేసింది కాదని.. అనుకోకుండా జరిగిందని.. ఈ విషయంలో కుటుంబసభ్యులు ఎంతో సంతోషంగా ఉన్నారని చెప్పుకొచ్చింది. తన లవ్ లైఫ్ ని పంచుకోవడం కోసం ఆసక్తిగా ఎదురుచూస్తున్నట్లు ట్విట్టర్ లో రాసుకొచ్చింది. మొత్తానికి రాయ్ లక్షి కూడా పెళ్లి చేసుకొని సెటిల్ అవ్వాలనుకుంటుందన్నమాట!