న్యాచురల్ స్టార్ నాని నటించిన జెంటిల్ మ్యాన్ చిత్రం ఎంతటి ఘన విజయాన్ని సాధించింది అందరికీ తెలిసిందే. అయితే ఆ సినిమాలో నాని సరసన తలుక్కున మెరిసి, యాక్టింగ్ లో నానికి పోటాపోటీగా నిలిచిన భామ నివేధా థామస్. ఈ భామకు ఈ సినిమాలో చాలా కీలక రోల్ లభించింది. ఈ రోల్ లో తనని తాను ప్రూవ్ చేసుకున్న బ్యూటీ వరుస ఆఫర్లతో దూసుకుపోయేలా కనిపించింది, అయితే అదే క్రమంలో ఈ బ్యూటీ జెంటిల్ మ్యాన్ కన్నా ముందు ఒక సినిమా సైన్ చేసింది కానీ కొన్ని అనివార్య కారణాల వల్ల ఆ సినిమా ఆగిపోయింది.
దానికి గల కారణం ఈ భామ కాల్ షీట్స్ ఇవ్వకపోవడమే. అయితే ఈ భామ కాల్ షీట్స్ కోసం విశ్వప్రయత్నాలు చేసిన దర్శక నిర్మాతలు…నివేదను చాలాసార్లు సంప్రదించినా ఈమె కాల్షీట్స్ కేటాయించేందుకు ససేమిరా అనేసిందని టాక్. దీంతో ఈ వివాదం పెద్దదిగా మారి వార్నింగ్స్ వరకూ పోయింది. సినిమా పూర్తయ్యేందుకు సహకరించకపోతే దక్షిణాది చిత్రాల నుంచి సస్పెండ్ చేస్తామని వారు ఈ బ్యూటీకి వార్నింగ్ ఇచ్చారు నిర్మాతలు. దీంతో దిగివచ్చిన నివేదా ఈ సినిమా షూటింగ్ లో పాల్గొనేందుకు అంగీకరించింది. ప్రస్తుతం ఈ మూవీ షూటింగ్ రామానాయుడు స్టూడియోస్ లో జరుగుతోంది.
ఇంతకీ ఆ సినిమా పేరు ఏంటి అంటారా….‘జూలియట్ – లవర్ ఆఫ్ ఈడియట్’. అదే క్రమంలో అసలు కాల్ షీట్స్ ఎందుకు ఇవ్వనంది అని ఆరా తీస్తే….‘జెంటిల్మన్’తో మంచి గుర్తింపు తెచ్చుకున్న నివేదాకు క్రేజీ ఆఫర్లు వస్తున్నాయి. అదే సమయంలో జూలియట్ – లవర్ ఆఫ్ ఈడియట్ చేయాల్సి వస్తుండడం వల్ల ఆ ఛాన్స్లు పోతాయేమొ అని భయపడి ఇవ్వలేదని చెబుతున్నట్లు టాక్.
