శంకర్‌ను భారీ చిత్రాల దర్శకుడు అంటుంటారు… ఎందుకంటే ఆయన సినిమాలు అంత భారీ కాన్వాస్‌తో ఉంటాయి. ఆయన చిన్న సినిమాలు తీసినా… పెద్ద సినిమాలుగా మారిపోతుంటాయి. అలాంటిది ఆయన పెద్ద సినిమానే తీస్తే అది ఇంకా భారీ చిత్రం అవుతుంది. అలా తాజాగా శంకర్‌ తెరకెక్కిస్తున్న చిత్రం రామ్‌చరణ్‌ది. దిల్ రాజు బ్యానర్‌లో ప్రతిష్ఠాత్మక 50వ సినిమా అది. ఈ సినిమాకు సంబంధించి ఫస్ట్‌లుక్‌ పోస్టర్‌ను చిత్రబృందం రెడీ చేస్తోందట.
అయితే దీన్ని లాంచ్‌ చేయడానికి టీమ్‌ చేస్తున్న ఆలోచనలే అవాక్కయ్యేలా చేస్తున్నాయి. శంకర్‌ – రామ్‌చరణ్‌ సినిమాలో దేశభక్తి అనేది కీలకంగా ఉంటుందని చాలా రోజుల నుండి వార్తలొస్తున్నాయి. అందుకేనేమో ఆగస్టు 15న సినిమా ఫస్ట్‌లుక్‌ను రిలీజ్‌ చేయాలని శంకర్‌ అనుకుంటున్నారట. దీని కోసం శంకర్‌ ఇప్పటికే ఫొటో షూట్‌ కూడా చేయించారట. దానికి అదనపు హంగులు అద్ది స్వాతంత్ర్య దినోత్సవం నాడు రిలీజ్‌ చేయాలని చూస్తున్నారట. అయితే ఆ రిలీజ్‌ చేసే విధానమే ఇప్పుడు వైరల్‌ అవుతోంది.
ఫస్ట్‌లుక్‌ పోస్టర్‌ను భారీ స్థాయిలో ఈవెంట్‌ ఏర్పాటు చేసి లాంచ్‌ చేయాలని చూస్తున్నారట శంకర్‌. తన సినిమాలకు హైప్‌ తీసుకురావడం ఎలాగో శంకర్‌కు బాగా తెలుసు. గతంలో ఒక్కో సినిమాకు ఆయన చేసిన భారీ ఈవెంట్లు మీకు గుర్తుండి ఉంటాయి. అంతెందుకు చరణ్‌ సినిమా ముహూర్తం కోసం చేసిన పోస్టర్లకే రూ. 25 లక్షలు ఖర్చు అయ్యాయయని టాక్‌. మొత్తం టీమ్‌కి ఒకేలాంటి డ్రెస్‌లు కుట్టించి భారీ స్థాయిలో పోస్టర్‌ రిలీజ్‌ చేశారు.
ఇప్పుడు ఫస్ట్‌ లుక్‌ అంటే మామూలుగా ఉండదు. అందుకే భారీ ఈవెంట్‌ ప్లాన్‌ చేస్తున్నారని సమాచారం. పోస్టర్‌తోపాటు మోషన్‌ పోస్టర్‌ను కూడా లాంచ్‌ చేస్తారని సమాచారం. అయితే ఈ ఈవెంట్‌పై ఎలాంటి అధికారిక సమాచారం లేదు. కానీ బజ్‌ అయితే వినిపిస్తోంది. ఒకవేళ ఈ ఈవెంట్‌ జరిగితే తెలుగు సినిమాల్లో ఓ పోస్టర్‌కి లాంచ్‌ ఈవెంట్‌ చేయడం ఇదే తొలిసారి అవ్వొచ్చు. గతంలో కొన్ని చేసినా అవి చిన్నపాటి ఈవెంట్లే కావడం గమనార్హం. మరి దీనికి ఎంత ఖర్చవుతుంది అనేది దిల్ రాజునే చెప్పాలి.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
Home