Rana Daggubati: సుకుమార్ అసిస్టెంట్ కి రానా గ్రీన్ సిగ్నల్!

హీరోగా కెరీర్ మొదలుపెట్టినప్పటి నుండి రానా దగ్గుబాటి సరికొత్త పాత్రలతో ప్రేక్షకులను ఎంటర్టైన్ చేస్తున్నాడు. ‘బాహుబలి’ సినిమాలో భల్లాలదేవుడి పాత్రలో రానా నటనను అంత ఈజీగా మర్చిపోలేం. ఈ సినిమాతో సూపర్ హిట్ అందుకొని.. భారీ ఫ్యాన్ బేస్ ను సంపాదించుకున్నాడు. అయితే ‘బాహుబలి’ తరువాత సరైన సక్సెస్ ను అందుకోలేకపోయారు రానా. లాక్ డౌన్ అనంతరం ఈ హీరో నటించిన పాన్ ఇండియా చిత్రం ‘అరణ్య’ ప్రేక్షకుల ముందుకు వచ్చిన సంగతి తెలిసిందే. కానీ సినిమా ఆశించిన స్థాయిలో సక్సెస్ అందుకోలేకపోయింది.

ప్రస్తుతం రానా ‘విరాటపర్వం’ సినిమాలో నటిస్తున్నాడు. వేణు ఊడుగుల డైరెక్ట్ చేస్తోన్న ఈ సినిమా ఏప్రిల్ 30న ప్రేక్షకుల ముందుకు రానుంది. ఈ సినిమాపై ప్రేక్షకుల్లో భారీ అంచనాలు నెలకొన్నాయి. అలానే పవన్ కళ్యాణ్ తో కలిసి ‘అయ్యప్పనుమ్ కోశియుమ్’ రీమేక్ లో నటిస్తున్నాడు. ఇదిలా ఉండగా.. రీసెంట్ గా రానా ఓ సరికొత్త ప్రయోగం చేయడానికి సిద్ధమైనట్లు సమాచారం. 1940 పీరియాడిక్ బ్యాక్ డ్రాప్ తో రాసుకున్న ఓ కథ రానాని బాగా ఆకట్టుకుంది.

మంచి యాక్షన్ తో పాటు ఎమోషనల్ ఎలిమెంట్స్ ఉండడంతో ఈ సినిమాలో నటించడానికి ఆసక్తి చూపిస్తున్నట్లు తెలుస్తోంది. ప్రముఖ దర్శకుడు సుకుమార్ దగ్గర అసిస్టెంట్ గా పై చేసిన వెంకీ అనే వ్యక్తి ఈ సినిమాతో దర్శకుడిగా పరిచయం కానున్నాడు. 12 రీల్స్ బ్యానర్ పై ఈ సినిమాను నిర్మిస్తున్నట్లు తెలుస్తోంది. త్వరలోనే ఈ సినిమాను సెట్స్ పైకి తీసుకెళ్లనున్నారు. ఈ ప్రాజెక్ట్ కి సంబంధించిన మరిన్ని విషయాలు తెలియాల్సివుంది!

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!