Samantha: యశోద సినిమాకు నాకు దగ్గర పోలికలు ఉన్నాయి: సమంత

November 8, 2022 / 07:07 PM ISTByFilmy Focus

Join Us

Samantha: యశోద సినిమాకు నాకు దగ్గర పోలికలు ఉన్నాయి: సమంత

సమంత నాగచైతన్యతో విడిపోయిన తర్వాత లేడీ ఓరియంటెడ్ చిత్రంగా పాన్ ఇండియా స్థాయిలో నటించిన మొట్టమొదటి చిత్రం యశోద. ఈ సినిమా నవంబర్ 11వ తేదీ పాన్ ఇండియా స్థాయిలో ప్రేక్షకుల ముందుకు రాబోతోంది. ఈ సినిమా విడుదలవుతున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.ఇన్ని రోజులు సమంత ప్రమోషన్ కార్యక్రమాలకు దూరంగా ఉన్నప్పటికీ తాజాగా ఈమె ప్రమోషన్ కార్యక్రమాలలో పాల్గొన్నారు. అనారోగ్య సమస్యల కారణంగా సమంత ఈ సినిమా ప్రమోషన్లకు దూరంగా ఉన్న విషయం మనకు తెలిసిందే.

ఇకపోతే ఓ ఇంటర్వ్యూలో పాల్గొన్న ఈమె యశోద సినిమా గురించి ఎన్నో ఆసక్తికరమైన విషయాలు తెలియజేశారు. ఈ సందర్భంగా ఈ సినిమా కథతో దర్శకులు హరి హరీష్ తన వద్దకు వచ్చినప్పుడు కథ విన్న తను ఒక్కసారిగా షాక్ అయ్యానని తెలిపారు. ఈ సినిమా కథ విన్న తర్వాత తాను ఏమాత్రం ఆలస్యం చేయకుండా సింగిల్ సిట్టింగ్ లోనే ఈ సినిమా చేయడానికి తాను ఒప్పుకున్నానని ఈ సందర్భంగా ఈమె తెలియజేశారు.

నిజ సంఘటన ఆధారంగా తెరకెక్కిన ఈ సినిమా తన జీవితానికి చాలా దగ్గరగా ఉందంటూ సమంత వెల్లడించారు. ఎంతో అద్భుతమైన ఈ సినిమా ప్రతి ఒక్కరూ తప్పక చూడాల్సిన సినిమా అని సినిమా ఎంతో అద్భుతంగా వచ్చింది అంటూ ఈమె పేర్కొన్నారు. ఇకపోతే ఇప్పటికే ఈ సినిమా నుంచి విడుదల చేసిన టీజర్ పెద్ద ఎత్తున సోషల్ మీడియాలో వైరల్ గా మారి సినిమాపై భారీ అంచనాలను పెంచాయి.

ఇక ఈ సినిమా లో సమంత యాక్షన్ సన్నివేశాలు సైతం అందరిని ఆకట్టుకునేలా ఉన్నాయని చెప్పాలి.ఈ చిత్రాన్ని ఆదిత్య 369 వంటి అద్భుతమైన సినిమాని నిర్మించిన నిర్మాత శివలెంఖ కృష్ణ ప్రసాద్ నిర్మించారు. ఈ సినిమాలో వరలక్ష్మి శరత్ కుమార్, రావు రమేష్, మురళి శర్మ, సంపత్, కల్పిక వంటి తదితరులు కీలక పాత్రలలో నటిస్తున్నారు.