విజయ్ దేవరకొండ నటిస్తున్న తాజా చిత్రం ‘డియర్ కామ్రేడ్’. భరత్ కమ్మ డైరెక్షన్లో తెరకెక్కిన ఈ చిత్రం జూలై 26 న విడుదల కాబోతుంది. విడుదల తేదీ దగ్గర పడుతుండడంతో రకరకాలుగా ఈ చిత్రాన్ని ప్రమోట్ చేస్తున్నాడు హీరో విజయ్ దేవరకొండ. ఒక విధంగా చెప్పాలంటే ఈ చిత్రం నిర్మాతలకంటే.. హీరో విజయ్ నే ఎక్కువగా ప్రమోట్ చేస్తున్నట్టు కనిపిస్తుంది. సౌత్ లో దాదాపు అన్ని భాషల్లోనూ ఈ చిత్రాన్ని విడుదల చేయబోతున్నారు. ఇందులో భాగంగా కొన్ని ప్రధాన రాష్ట్రాలకు వెళ్ళి ‘డియర్ కామ్రేడ్’ మ్యూజిక్ ఫెస్టివల్స్ ను నిర్వహిస్తున్నాడు. ఈ విధంగా తన సినిమాని ప్రేక్షకులకు చేరే విధంగా చూసుకుంటున్నాడు. ఈ క్రమంలో బెంగుళూరు,కొచ్చి నగరాలలో ఈ మ్యూజిక్ ఫెస్టివల్స్ నిర్వహించారు కూడా. బెంగుళూరు లో నిర్వహించిన వేడుకకి అక్కడి స్టార్ హీరో అయిన యష్ హాజరయ్యాడు. ఇక తాజాగా నేడు చెన్నై వేదికగా ఈ చిత్ర మ్యూజిక్ ఫెస్టివల్ ని నిర్వహించబోతున్నాడు. ఈ వేడుకకి ముఖ్య అతిధిగా విజయ్ సేతుపతి హాజరుకాబోతున్నట్టు సమాచారం.
‘డియర్ కామ్రేడ్’ లో ఓ పాటను విజయ్ సేతుపతి,దుల్కర్ సల్మాన్,విజయ్ దేవరకొండ కలిసి పాడారు. దీనికి సంబందించిన ఓ టీజర్ ను కూడా నిర్మాతలు విడుదల చేసారు. ‘డియర్ కామ్రేడ్’ యాన్థం పేరుతో విడుదల కాబోతున్న ఈ పాట ఈరోజు విడుదల కానుంది. ఇలా మిగిలిన ఇండస్ట్రీలో స్టార్ హీరోలను ఉపయోగించుకుంటూ విజయ్ దేవరకొండ ఓ రేంజ్లో ప్రమోషన్స్ చేసుకుంటున్నాడు. ఇలాంటి టెనిక్స్ ఇప్పటి వరకూ మన రాజమౌళి మాత్రమే వాడాడు. ఇప్పుడు విజయ్ కూడా అదే బాటలో నడుస్తున్నట్టు స్పష్టమవుతుంది. మరి ఈ చిత్రం ఏ రేంజ్ విజయాన్ని సాధిస్తుందో చూడాలి..!
Home