ఆర్.టి.సి క్రాస్ రోడ్స్ వద్ద ఉన్న సంధ్య థియేటర్లో ఘోరమైన దుర్ఘటన చోటు చేసుకుంది. ‘పుష్ప: ది రూల్’ (Pushpa 2: The Rule) ప్రీమియర్ షో కోసం తన ఇద్దరు పిల్లలతో ఓ మహిళ వెళ్ళింది. అయితే అక్కడకి అల్లు అర్జున్ (Allu Arjun) తన ఫ్యామిలీతో రావడంతో జనాలు ఒక్కసారిగా గుమిగూడటం జరిగింది. దీంతో తొక్కిసలాటలు తలెత్తాయి. ఈ క్రమంలో ఆ మహిళ గాయపడింది. తర్వాత చికిత్స అందించినా లాభం లేకుండా పోయింది. ఈ సంఘటన అందరినీ కలచివేసింది అని చెప్పాలి.
దీంతో థియేటర్ యాజమాన్యంపై చిక్కడపల్లి పోలీసులు కేసు నమోదు చేశారు. ఇక దీంతో తొక్కిసలాటలో మృతి చెందిన అమ్మాయి పేరు రేవతి అని, ఆమె కొడుకు పేరు శ్రీతేజ అని తెలుస్తుంది. అల్లు అర్జున్ ఆ థియేటర్ కి వెళ్తున్నాడు అనే సంగతి పోలీసులకి ముందుగా తెలీదట. దాని వల్లే ఈ విషాదం చోటు చేసుకున్నట్టు కూడా స్పష్టమవుతుంది.
సంధ్య థియేటర్ సంఘటనపై, అలాగే రేవతి మృతిపై అల్లు అర్జున్ (Allu Arjun) టీం స్పందించింది. ‘సంధ్య థియేటర్ వద్ద నిన్న రాత్రి జరిగిన తొక్కిసలాట దురదృష్టకరం.. మా బృందం ఆ కుటుంబాన్ని కలిసి అవసరమైన సహాయాన్ని అందజేస్తాం’ అంటూ ఈ సందర్భంగా అల్లు అర్జున్ తెలియజేసింది.
ఈ మధ్య హైదరాబాద్ వంటి నగరాల్లో పెద్ద సినిమాల బెనిఫిట్ షోలకి అనుమతులు ఇవ్వడం లేదు. ఇలాంటి తొక్కిసలాటలు వంటివి జరుగుతున్నాయి అని భావించి ప్రభుత్వం ఈ నిర్ణయం తీసుకోవడం జరిగింది. ఆర్టీసీ క్రాస్ రోడ్స్ లో ఉండే జనాలు.. సినిమాలు ఎక్కువగా చూస్తుంటారు. సరైన ప్లానింగ్ లేదు అంటే ఇలాంటి ఘోరమైన సంఘటనలు చోటు చేసుకుంటూ ఉంటాయి.
