Nani: ‘హిట్ 3’ కోసం పంథాను మార్చుకున్న నాని.. ఆ విమర్శలకు చెక్ పెట్టేలా?

‘హిట్‌’ (HIT)  ఫ్రాంచైజీలో వచ్చిన హిట్: ది ఫస్ట్ కేస్, హిట్: ది సెకండ్ కేస్ మంచి హిట్లయ్యాయి. దీంతో ‘హిట్‌: ది థర్డ్‌ కేస్‌’(హిట్ 3) ని కూడా రూపొందిస్తున్నారు నేచురల్ స్టార్ నాని (Nani) . 2025 మే 1న సమ్మర్ కానుకగా విడుదల కాబోతోంది అంటూ రిలీజ్ డేట్ కూడా ప్రకటించారు.శైలేష్‌ కొలను (Sailesh Kolanu) క డైరెక్ట్ చేస్తున్న ఈ మూవీని ప్రశాంతి తిపిర్నేని ప్రొడ్యూస్ చేస్తోంది.నాని సమర్పకులుగా వ్యవహరిస్తున్నారు. ఈ చిత్రం షూటింగ్‌ వేగంగా జరుగుతోంది.

Nani:

దీపావళికి ఓ యాక్షన్‌ ప్యాక్డ్‌ పోస్టర్‌ని కూడా విడుదల చేశారు మేకర్స్.ఇందులో అర్జున్ సర్కార్ అనే ఓ అగ్రెసివ్ పోలీస్ పాత్రలో కనిపించనున్నాడు నాని. యాక్షన్ సన్నివేశాలకి ఎక్కువ స్కోప్ ఉన్న కథ ఇది. అయితే హిట్, హిట్ 2  (HIT2) .. చిత్రాలను తక్కువ బడ్జెట్లోనే తీశాడు నాని. దీంతో ‘హిట్ 3’ ని కూడా తక్కువ బడ్జెట్లో చుట్టేస్తాడు అని అనుకున్నారు. కానీ, దీన్ని భారీ బడ్జెట్‌తో తెరకెక్కిస్తున్నట్లు తెలుస్తోంది.

ఈసారి క్వాలిటీ విషయంలో కాంప్రమైజ్ కాకూడదు అని చెప్పాడట. ఈ మూవీని 10 రాష్ట్రాల్లో చిత్రీకరిస్తున్నారు. కశ్మీర్, సిక్కింలలో వాటిని చిత్రీకరించనున్నారు. నిర్మాతగా నాని కెరీర్‌లో బిగ్గెస్ట్ బడ్జెట్‌తో వస్తున్న మూవీ ఇదేనని తెలుస్తుంది. ఈ సినిమాలో కేజీఎఫ్ (KGF) ఫేమ్ శ్రీనిధి శెట్టి (Srinidhi Shetty) హీరోయిన్‌గా నటిస్తోంది.