Sushanth: ఇంట్రెస్టింగ్ ట్రైలర్.. సుశాంత్ మరో హిట్టు కొట్టేలా ఉన్నాడు..!

‘చి.ల.సౌ’ ‘అల వైకుంఠపురములో’ వంటి హిట్ చిత్రాల తర్వాత సుశాంత్ నటించిన మూవీ ‘ఇచ్చట వాహనములు నిలుపరాదు’. ఎప్పుడో షూటింగ్ కంప్లీట్ చేసుకున్న ఈ చిత్రం సెన్సార్ కార్యక్రమాలు కూడా పూర్తయ్యాయి. అయితే కరోనా సెకండ్ వేవ్ ఎఫక్ట్ కారణంగా విడుదల ఆలస్యం అవుతూ వచ్చింది. ఎట్టకేలకు ఈ చిత్రాన్ని ఆగష్ట్ 27న విడుదల చేయబోతున్నారు. ఈ క్రమంలో ప్రమోషన్స్ ను కూడా వేగవంతం చేశారు. కొద్దిసేపటి క్రితం కింగ్ నాగార్జున చేతులు మీదుగా ఈ చిత్రం ట్రైలర్ ను విడుదల చేసింది చిత్ర బృందం.

చాలా సస్పెన్స్, యాక్షన్, రొమాంటిక్ ఎలిమెంట్స్ తో ఈ ట్రైలర్ ను కట్ చేశారు. ఎస్.దర్శన్ ఈ చిత్రానికి దర్శకుడు. ఒకప్పటి హీరో వెంకట్ కూడా ఈ ట్రైలర్ లో ఉండడాన్ని మనం గమనించవచ్చు. హీరోయిన్ అన్నయ్యగా నెగిటివ్ షేడ్స్ కలిగిన పాత్రను అతను పోషిస్తున్నట్టు.. స్పష్టమవుతుంది. సుశాంత్ ఎనర్జిటిక్ గా కనిపిస్తున్నాడు.హీరోయిన్ మీనాక్షి చౌదరి లుక్స్ కూడా బాగున్నాయి. వెన్నెల కిషోర్, అభినవ్ గోమఠం వంటి కమెడియన్లు కూడా ఈ చిత్రంలో కీలక పాత్రలు పోషించారు.

ఒకప్పటి స్టార్ హీరోయిన్ మరియు సహాయ నటి అయిన భానుమతి మనవడు.. రవిశంకర్ శాస్త్రి ఈ చిత్రాన్ని ఏక్తా శాస్త్రి, హరీష్ కోయలగుండ్ల వంటి వారితో కలిసి నిర్మిస్తున్నాడు. ప్రవీణ్ లక్కరాజు ఈ చిత్రానికి సంగీత దర్శకుడు. ట్రైలర్ అయితే ఇంట్రెస్టింగ్ గా ఉంది. మీరు కూడా ఓ లుక్కేయండి :

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!