నాగార్జున వందో సినిమా కోసం కొత్త ఆలోచనలు.. అయితే సూపర్‌!

అక్కినేని కుటుంబం సినిమాల పరంగా ఏమైనా సంపాదించుకుంది అంటూ ఓ లిస్ట్‌ రాస్తే.. అందులో ‘మనం’ సినిమా తొలి స్థానంలో తప్పకుండా ఉంటుంది. కుటుంబం మొత్తం ఆ సినిమాలో నటించడం, ఏఎన్నార్‌ ఆఖరి చిత్రం కావడం ఇలా చాలా కారణాలనే ఉన్నాయి. ఇప్పుడు అలాంటిదే మరో సినిమాను తెరకెక్కించాలని చూస్తున్నారని టాక్‌. అలా కాకపోయినా ఆ ఫీల్‌ను కలిగించే సినిమా తీసుకురావాలనేది నాగార్జున ఆలోచన అని అంటున్నారు. అక్కినేని నాగార్జున కెరీర్‌ ఇప్పుడు సెంచరీకి దగ్గరలో ఉంది.

త్వరలో నాగ్‌ తన 100వ సినిమాను స్టార్ట్‌ చేస్తారని సమాచారం. ఈ సినిమాకు మోహన్‌ రాజా దర్శకుడు అని చాలా రోజుల క్రితమే ప్రకటించారు. మాస్‌, యాక్షన్‌, సెంటిమెంట్‌ అంశాల మేళవింపుగా రూపొందబోతున్న ఈ సినిమా గురించి ఓ విషయం బయటకు వచ్చింది. ఈ సినిమాలో అక్కినేని కుటుంబం మొత్తం నటించేలా ఆలోచనలు చేస్తున్నారట. అంటే నాగార్జున, అమలు, అఖిల్‌, నాగచైతన్య ఇలా అందరూ ఉండేలా చూసుకుంటున్నారట. ప్రస్తుతం నాగార్జున – ప్రసన్న కుమార్‌ కలసి ఓ సినిమా చేయబోతున్నారు.

ఈ సినిమాలో నాగ్‌తో పాటు మరో ఇద్దరు యువ హీరోలు ఉంటారని వార్తలొస్తున్నాయి. అల్లరి నరేశ్‌ ఒకరు కాగా, రాజ్‌ తరుణ్‌ మరో హీరో. అయితే వీటిపై ఆ ఇద్దరూ కన్ఫామ్‌ ఇవ్వలేదు అనుకోండి. అయితే అంతా ఓకే అయిపోయింది అని టాక్‌. ఆ తర్వాతి సినిమాలో విషయంలో మోహన్‌ రాజాకు ఇప్పటికే ఫుల్‌ ఆర్డర్స్‌ వెళ్లిపోయాయి. ‘గాడ్‌ ఫాదర్‌’ కోసం చాలా రోజులు కుటుంబానికి దూరంగా ఉన్న మోహన్‌రాజా ఇటీవల ఫ్యామిలీ దగ్గరకు చేరారు.

ఇంకొన్ని రోజులు గ్యాప్‌ తీసుకొని.. నాగ్‌ సినిమా పనులు మొదలుపెడతారు. ఈ క్రమంలో నాగ చైతన్య కోసం చిన్న పాత్ర రాస్తున్నారని టాక్. ఎలాగూ ఈ సినిమాఆలో అఖిల్‌ ఫుల్‌ లెంగ్త్‌ క్యారెక్టర్‌ చేస్తున్నాడని ఇప్పటికే వార్తలొచ్చాయి. ఇప్పడు చైతన్య, అమల నటిస్తే మరో ‘మనం’ చేసేయొచ్చు.

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?