గతేడాది డిసెంబర్ లో విడుదలైన ‘అఖండ’ సినిమా ఎంత పెద్ద సక్సెస్ అయిందో తెలిసిందే. బాలయ్య కెరీర్ లో ఇదొక బిగ్గెస్ట్ హిట్ గా నిలిచింది. ఇప్పుడు ఈ సినిమాకి సీక్వెల్ రాబోతుంది. గోవాలో జరిగిన ఫిల్మ్ ఫెస్టివల్ లో ఈ ప్రస్తావన మీడియా తీసుకొచ్చినప్పుడు బాలయ్య సైలెంట్ గా ఉన్నప్పటికీ.. పక్కనే ఉన్న బోయపాటి శ్రీను మాత్రం తప్పకుండా సీక్వెల్ ఉంటుందనే హామీ ఇచ్చారు. దానికి అనుగుణంగానే స్క్రిప్ట్ కూడా రెడీ చేశారట.
ప్రస్తుతం బాలయ్య ‘వీరసింహారెడ్డి’ అనే సినిమాలో నటిస్తున్నారు. ఈ సినిమా సంక్రాంతికి రిలీజ్ కానుంది. ఆ తరువాత వెంటనే అనిల్ రావిపూడి దర్శకత్వంలో ఓ సినిమా చేయబోతున్నారు బాలయ్య. 2023 వేసవిలోగా.. అనిల్ రావిపూడి సినిమాను పూర్తి చేయాలని ప్లాన్ చేస్తున్నారు. ఆ తరువాత బాలయ్య ‘ఆదిత్య 999’ ప్రాజెక్ట్ టేకప్ చేస్తారని అభిమానులు అనుకుంటున్నారు. ఈ సినిమాతో తన కుమారుడు మోక్షజ్ఞను హీరోగా పరిచయం చేయనున్నారు బాలయ్య. ఈ సినిమాను బాలయ్య స్వయంగా డైరెక్ట్ చేయనున్నారు.
2023లో ఈ సినిమా పట్టాలెక్కుతుందని అనుకుంటున్నారు కానీ ఇప్పట్లో ఈ సినిమా సెట్స్ పైకి వెళ్లేలా లేదు. బహుశా 2024లో ఈ సినిమాను మొదలుపెట్టే అవకాశాలు ఉన్నాయి. ఈలోగా ‘అఖండ2’ సినిమాను పూర్తి చేయాలనుకుంటున్నారు దర్శకుడు బోయపాటి శ్రీను. ఇప్పుడు ఆయన రామ్ హీరోగా ఓ సినిమాను తెరకెక్కిస్తున్నారు. వచ్చే ఏడాది వేసవికి సినిమా పూర్తవుతుంది.
ఆపై రెండు, మూడు నెలలకు బాలయ్య కూడా అందుబాటులోకి వస్తారు. 14 రీల్స్ ఎంటర్టైన్మెంట్ నిర్మాణంలో ‘అఖండ2’ సినిమా రూపొందనుంది. పార్ట్ 2లో పొలిటికల్ టచ్ కూడా ఉంటుందట. 2024 ఎన్నికలను దృష్టిలో పెట్టుకొని ఈ సినిమా చేస్తున్నారని ఇండస్ట్రీ వర్గాల సమాచారం. మరి సీక్వెల్ తో బాలయ్యకి ఎలాంటి హిట్ వస్తుందో చూడాలి!
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
Home