Guntur Kaaram Collections: యావరేజ్ రిజల్ట్ తో సరిపెట్టుకున్న ‘గుంటూరు కారం’

టాలీవుడ్ సూపర్ స్టార్ మహేష్ బాబు (Mahesh Babu) హీరోగా త్రివిక్రమ్ శ్రీనివాస్ (Trivikram) దర్శకత్వంలో ‘అతడు’ (Athadu) ‘ఖలేజా’ (Khaleja) తర్వాత రూపొందిన మూవీ ‘గుంటూరు కారం'(Guntur Kaaram) . ‘హారిక అండ్ హాసిని క్రియేషన్స్’ బ్యానర్ పై సూర్యదేవర రాధాకృష్ణ (S. Radha Krishna) ఈ చిత్రాన్ని నిర్మించారు. శ్రీలీల (Sreeleela) హీరోయిన్ గా నటించగా మరో హీరోయిన్ మీనాక్షి చౌదరి (Meenakshi Chaudhary) కూడా స్పెషల్ రోల్ చేసింది. తమన్ (S.S.Thaman) సంగీత దర్శకుడు. జనవరి 12న రిలీజ్ అయిన ఈ సినిమా మొదటి షోతోనే నెగిటివ్ టాక్ ను మూటగట్టుకుంది.

అయినప్పటికీ సంక్రాంతి సీజన్ కలిసొచ్చి.. ఈ సినిమా బాగానే క్యాష్ చేసుకుంది.వంద కోట్ల షేర్ క్లబ్ లో చేరింది. ఒకసారి ‘గుంటూరు కారం’ క్లోజింగ్ కలెక్షన్స్ ని గమనిస్తే :

‘గుంటూరు కారం’ సినిమాకు రూ.130.4 కోట్ల థియేట్రికల్ బిజినెస్ జరిగింది. ఈ మూవీ బ్రేక్ ఈవెన్ కావాలంటే రూ.131 కోట్ల షేర్ ను రాబట్టాల్సి ఉంది. ఫుల్ రన్ ముగిసేసరికి ఈ సినిమా రూ.111.5 కోట్ల షేర్ ను రాబట్టింది. బ్రేక్ ఈవెన్ కి ఇంకా రూ.19.5 దూరంలో ఆగిపోయిన ఈ సినిమా ఫైనల్ గా బాక్సాఫీస్ వద్ద యావరేజ్ ఫలితంతో సరిపెట్టుకుంది.