Krishna Vamsi, Ram Charan: చరణ్ కోసం అద్భుతమైన కథ సిద్ధం చేసిన కృష్ణవంశీ.. కానీ?

టాలీవుడ్ ఇండస్ట్రీలోని ప్రముఖ దర్శకులలో కృష్ణవంశీ ఒకరు కాగా కృష్ణవంశీ (Krishna Vamsi) ఈ మధ్య కాలంలో తెరకెక్కించిన సినిమాలేవీ ప్రేక్షకుల మెప్పు పొందలేదు. ఆయన డైరెక్షన్ లో తెరకెక్కిన సినిమాలకు మంచి సినిమాలు అనే పేరు వస్తున్నా కలెక్షన్ల పరంగా అద్భుతాలు చేయడం లేదు. అయితే కృష్ణవంశీ రామ్ చరణ్ తో (Ram Charan) ఒక సినిమా చేయాలని ఆశ పడుతుండగా ఆయన చెప్పిన విషయాలు నెట్టింట వైరల్ అవుతున్నాయి. గతంలో రామ్ చరణ్ కు మెమరబుల్ హిట్ ఇస్తానని ప్రామిస్ చేసిన కృష్ణవంశీ తాజాగా చరణ్ తో సినిమా తెరకెక్కించాలని తనకు కూడా ఉందని తాను అందుకు సిద్ధమేనని వెల్లడించారు.

తనతో ఎప్పుడు సినిమా చేయాలనేది రామ్ చరణ్ ఇష్టమని కృష్ణవంశీ చెప్పుకొచ్చారు. చరణ్ కోసం అదిరిపోయే ఐడియాతో కూడిన స్క్రిప్ట్ సిద్ధంగా ఉందని ఆయన వెల్లడించారు. అయితే చరణ్ కెరీర్ పరంగా బిజీగా ఉన్న సంగతి తెలిసిందే. వరుస ప్రాజెక్ట్ లతో బిజీగా ఉన్న రామ్ చరణ్ కృష్ణవంశీకి డేట్లు కేటాయించడం సులువైన విషయం అయితే కాదని చెప్పవచ్చు. చరణ్ తర్వాత సినిమాలు బుచ్చిబాబు (Buchi Babu Sana) , సుకుమార్ (Sukumar) డైరెక్షన్ లో తెరకెక్కనున్నాయి.

ఈ సినిమాలు పూర్తి కావడానికి సులువుగా నాలుగైదు సంవత్సరాల సమయం పట్టే అవకాశాలు అయితే ఉన్నాయి. చరణ్ కృష్ణవంశీ కాంబోలో గతంలో గోవిందుడు అందరివాడేలే సినిమా తెరకెక్కి బాక్సాఫీస్ వద్ద యావరేజ్హి ట్ గా నిలిచింది. రామ్ చరణ్ బ్యాక్ టు బ్యాక్ సినిమాలతో కెరీర్ పరంగా మరింత ఎదిగి మరిన్ని విజయాలను సొంతం చేసుకోవాలని ఫ్యాన్స్ కోరుకుంటున్నారు.

రామ్ చరణ్ ఇతర భాషల్లో సైతం మరిన్ని భారీ విజయాలను అందుకోవాలని మార్కెట్ ను పెంచుకోవాలని ఫ్యాన్స్ ఫీలవుతున్నారు. నెక్స్ట్ లెవెల్ స్క్రిప్ట్ లను ఎంచుకుంటున్న రామ్ చరణ్ కెరీర్ ను జాగ్రత్తగా ప్లాన్ చేసుకుంటూ ఉండటం గమనార్హం. చరణ్ గేమ్ ఛేంజర్ (Game changer) ఈ ఏడాదే విడుదలవుతుందో లేదో తెలియాల్సి ఉంది.

Vundi saaar .. am ready .. whenever sir RAMCHARAN garu is ready I am all my self .. THQ ♥️ super idea n script also ready .. his WISH n time sir ji ❤️ https://t.co/aP4RgmmAKA

— Krishna Vamsi (@director_kv) July 17, 2024