ప్రపంచమంతా ఉన్న సినీ ప్రేమికులంతా ఎంతో ఆసక్తిగా ఎదురుచూస్తున్న ‘అవతార్2’ ఈరోజు రిలీజ్ అయ్యింది. ‘టైటానిక్’ ‘అవతార్’ ను తెరకెక్కించిన జేమ్స్ కేమరూన్ ‘అవతార్2’ ని ఇంకే రేంజ్ లో తెరకెక్కించాడు అనే ఆసక్తి జనాల్లో క్రియేట్ అయ్యింది. మొత్తానికి ఈరోజు డిసెంబర్ 16న ఈ చిత్రం రిలీజ్ అయ్యింది. ‘అవతార్’ ఫ్యాన్స్ ఇది అద్భుతమంటున్నారు. అయితే కొంతమందికి ఇది నచ్చలేదు. ఆ విషయాన్ని కూడా సోషల్ మీడియా వేదికగా తెలియజేస్తున్నారు.
ఈ లిస్ట్ లో టాలీవుడ్ నిర్మాత నాగ వంశీ కూడా ఉన్నాడు. ఈ కుర్ర నిర్మాతకు కూడా ‘అవతార్2’ నచ్చినట్టు లేదు. దీంతో ట్విట్టర్లో ఈ విషయాన్ని కాస్త సెటైరికల్ గా తెలియజేశాడు. నాగ వంశీ తన ట్విట్టర్ ద్వారా ఈ విషయంపై స్పందిస్తూ… “జేమ్స్ కామెరూన్ లాంటి వాడు తీసాడు కనుక.. సినిమా ఎలా ఉన్నా జనాలు చూస్తారు.నిజానికి అతను ఒక మెరైన్ బయోలజీ(నీటి శాస్త్రం లాంటిది, జలాలు, సముద్రాలు అలా అన్న మాట) పై డాక్యుమెంటరీ తీశాడు..
అది ఒక అద్భుతమని, విజువల్ వండర్ అని పొగిడేస్తారు.. పొగిడేస్తున్నారు. ఇంకేమి చెప్పినా నావీ ఊరుకోదు” అంటూ ఓ ట్వీట్ రూపంలో సెటైర్ వేశాడు నాగవంశీ. ఇప్పుడు ఈ ట్వీట్ నెట్టింట వైరల్ గా మారింది. ‘అవతార్ 2’ నచ్చలేదని కొంచెం బోల్డ్ గా, పోష్ గా చెప్పుకొచ్చాడు నాగ వంశీ. ఇది అవతార్ ఫ్యాన్స్ ని హర్ట్ చేసింది. తప్పులేదు. అది నాగ వంశీ అభిప్రాయం. కానీ అతను ‘భీమ్లా నాయక్’ ‘అల వైకుంఠపురములో’ వంటి సినిమాలు నిర్మించిన నిర్మాత కాబట్టి..
అతని పై ‘అవతార్’ ఫ్యాన్స్ విరుచుకుపడుతున్నారు. ‘మీరు తీసే చెత్త సినిమాల కన్నా పర్లేదులే’ ‘ఇలాంటి సినిమాలు నువ్వు ప్రొడ్యూస్ చెయ్యి చూద్దాం’ అంటూ కామెంట్లు పెడుతున్నారు. ప్రస్తుతం ఇతను మహేష్ బాబు – త్రివిక్రమ్ లతో ఓ భారీ బడ్జెట్ సినిమాని తెరకెక్కిస్తున్నాడు. పేరుకి ఇతని పెదనాన్న మెయిన్ నిర్మాత అయినప్పటికీ.. ఈ ప్రాజెక్టు విషయంలో హడావిడి మొత్తం ఇతనిదే.
James Cameron orders us to watch a Marine biology documentary. And because it is 3D and him, it is a “Visual Spectacle”! All we are allowed to say is “Mastercraft” and “Blockbuster”, anything else, Na’vi won’t accept
— Naga Vamsi (@vamsi84) December 16, 2022
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
Home