రతిక, సింగర్ రాహుల్ సిప్లిగంజ్ వ్యక్తిగత ఫోటోలు ఇటీవల సోషల్ మీడియాలో వైరల్ అయ్యాయి. రతిక బిగ్ బాస్ షోలో ఉండగానే ఈ ఫోటోలు బయటకు వచ్చాయి. ఈ ఫోటోల వ్యవహారంపై రాహుల్ ఘాటుగా స్పందించారు. తన క్రేజ్ ను రతిక ఉపయోగించుకునే ప్రయత్నం చేస్తోందిన ఆరోపించాడు. ఈ నేపథ్యంలో ఫోటోల లీక్ వ్యవహారంపై రతిక చెల్లెలు స్పందించింది. రాహుల్ సిప్లిగంజ్ ఫేమ్ ఉపయోగించుకోవాల్సిన అవసరం రతికాకు లేదని ఆమె చెల్లెలు వెల్లడించింది. ఇద్దరు బ్రేకప్ కాకముందు కూడా ఆమె అతడి క్రేజ్ యూజ్ చేసుకోవాలి అనుకోలేదన్నారు. ఆమె ఓ ఇంటర్వ్యూలో మాట్లాడుతూ..
“రాహుల్ సిప్లీగంజ్ క్రేజ్ ను రతిక యూజ్ చేసుకోవాల్సిన అవసరం లేదు. ఆ ఫోటోలు ఎలా బయటకు వచ్చాయో మాకు అర్థం కాలేదు. రాహుల్ వైపు నుంచే లీక్ అయ్యాయని మేం అనుకున్నాం. ఆ ఫోటోలు ఉంటే రతిక దగ్గర, లేదంటే రాహుల్ దగ్గర ఉంటాయి. రతిక మోబైల్ తన దగ్గర లేదు. ఆమె షోలో ఉంది. అలాంటప్పుడు ఈ ఫోటోలు ఎలా బయటకు వస్తాయి? ఏ అమ్మాయి తన గురించి తాను నెగెటివ్ గా ప్రచారం చేసుకోదు. నిజానికి రాహుల్, రతిక పెళ్లి చేసుకోవాలి అనుకున్నారు. పెద్దలు ఈ విషయం గురించి మాట్లాడారు.
రాహుల్ ను (Rahul) పెళ్లి చేసుకుంటానని నాన్నకు రతిక చెప్పింది. నువ్వు సంతోషంగా ఉంటానంటే ఓకే అని నాన్న చెప్పారు. మా కుటుంబ సభ్యులతో కూడా మాట్లాడారు. చివరలో కొన్ని విషయాల్లో కండీషన్లు పెట్టారు. పెళ్లి తర్వాత ఈ పనులు చెయ్యకూడదు, ఆ పనులు చెయ్యకూడదన్నారు. వారి కండీషన్లు రతికకు నచ్చలేదు. ఆ తర్వాత ఇద్దరూ ఇది కుదరదని భావించి బ్రేకప్ అయ్యారు. ఆ తర్వాత ఎవరి లైఫ్ వాళ్లు హ్యాపీగా కొనసాగిస్తున్నారు. రాహుల్ ఎందుకు ఈ విషయం గురించి సోషల్ మీడియాలో పెట్టారు అనేది మాకు అర్థం కావట్లేదు.
ఈ ఫోటోలు ఎలా బయటకు వచ్చాయి అనేది కూడా తెలియదు. రాహుల్ ను కూడా మేము అడిగే ప్రయత్నం చేయలేదు. ఈ విషయాన్ని ఇంకా పెద్దది చేయాలి అనుకోలేదు. ఆయన పెట్టిన పోస్టు వల్ల రతిక మీద నెగెటివ్ ప్రచారం మొదలయ్యింది. రాహుల్ ఫేమ్ వాడుకోవాలని ఏనాడు రతిక అనుకోలేదు. అలా అనుకుంటే అవకాశాల కోసం తన చేత రికమెండ్ చేయించుకునేది. కానీ, ఏ రోజు చేసుకోలేదు. వాళ్లు మంచిగా ఉన్నప్పుడే చేయలేదు, ఇప్పుడు బ్రేకప్ అయ్యాక చేసుకోవాల్సిన అవసరం లేదు” అని వెల్లడించింది.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home