ఒకప్పుడు టాలీవుడ్ లో స్టార్ హీరోయిన్ గా ఎన్నో సినిమాల్లో నటించింది మీనా. మెగాస్టార్ చిరంజీవి, వెంకటేష్, బాలకృష్ణ, నాగార్జున లాంటి అప్పటి స్టార్ హీరోలతో కలిసి వెండితెరపై రొమాన్స్ చేసింది. కానీ ఈ మధ్యకాలంలో ఆమె పెద్దగా సినిమాల్లో నటించడం లేదు. ప్రస్తుతం ఈమె తెలుగులో ‘దృశ్యం 2’ సినిమాలో నటిస్తోంది. వెంకటేష్ హీరోగా నటిస్తోన్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఇదిలా ఉండగా.. తాజాగా మీనాకు మరో ఆఫర్ వచ్చినట్లు తెలుస్తోంది.
నందమూరి బాలకృష్ణ నటిస్తోన్న సినిమాలో మీనాను ఓ పాత్ర కోసం ఎంపిక చేసుకున్నట్లు సమాచారం. గోపీచంద్ మలినేని దర్శకత్వంలో బాలయ్య ఓ సినిమా చేయబోతున్నారు. ఇందులో కీలకపాత్ర కోసం మీనాను తీసుకోవాలనుకుంటున్నారు. కథ ప్రకారం సినిమాలో ఫ్లాష్ బ్యాక్ ఎపిసోడ్స్ కీలకంగా ఉంటాయని తెలుస్తోంది. ఆ సన్నివేశాల్లో మీనా కనిపిస్తుందట. ఈ ఎపిసోడ్ సినిమాకి హైలైట్ గా నిలుస్తుందని చెబుతున్నారు.
గతంలో బాలకృష్ణ, మీనా కలిసి ‘ముద్దుల మొగుడు’, ‘బొబ్బిలి సింహం’ లాంటి సినిమాల్లో నటించారు. ఇప్పుడు మరోసారి ఈ జంట వెండితెరపై కనిపిస్తుండడం విశేషం. త్వరలోనే ఈ సినిమా షూటింగ్ మొదలుకానుంది. ప్రస్తుతం బాలయ్య.. బోయపాటి దర్శకత్వంలో ‘అఖండ’ సినిమాలో నటిస్తున్నారు. రీసెంట్ గా విడుదలైన ఈ సినిమా టీజర్ సినిమాపై అంచనాలను పెంచేసింది. ప్రగ్యా జైస్వాల్ హీరోయిన్ గా నటిస్తోన్న ఈ సినిమా త్వరలోనే ప్రేక్షకుల ముందుకు రానుంది!
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home