అక్కినేని వారసుడి రీరీరీరీ ఎంట్రీ హోల్డ్ లో ఎందుకు పెట్టారు

అక్కినేని వంశానికి మూడో తరం వారసుడు అఖిల్ కి అందం, అభినయ సామర్ధ్యం, బలమైన కుటుంబ నేపధ్యంతోపాటు ఇండస్ట్రీ నుంచి భారీ సపోర్ట్ ఉన్నప్పటికీ ఎందుకో కనీస స్థాయి హిట్ కూడా కొట్టలేకపోతున్నాడు. ఇప్పటికే “అఖిల్, హలో, మిస్టర్ మజ్ను” చిత్రాలతో హ్యాట్రిక్ ఫ్లాప్ అందుకొన్నాడు అఖిల్. దాంతో బాబు అసలు హిట్ ఎప్పుడు కొడతాడా అని అక్కినేని అభిమానులందరూ ఆశగా ఎదురుచూస్తున్నారు.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

అయితే.. మొన్నామధ్య బొమ్మరిల్లు భాస్కర్ దర్శకత్వంలో అఖిల్ కొత్త సినిమా లాంఛనంగా మొదలవ్వడంతో కాస్త ఊపిరి పీల్చుకొన్నారు. డైరెక్టర్ కి సక్సెస్ రేట్ పెద్దగా లేకపోయినా.. గీతా ఆర్ట్స్ ప్రొడక్షన్ కావడంతో అల్లు అరవింద్ చూసుకొంటాడ్లే అనుకొన్నారందరూ. కానీ.. ఇప్పుడు ఆ రీరీరీరీ లాంచ్ కూడా ఆగిపోయిందని టాక్. అయితే.. ఆగిపోవడం అంటే మొత్తానికి ఆగిపోవడం కాదు.. ప్రస్తుతానికి లెండి. కారణం ఏంట్రా అంటే.. అఖిల్ సరసన సరైన కథానాయిక దొరక్కపోవడం. అక్కినేని అందగాడి సరసన తొలుత రష్మిక మందన్నను అనుకొన్నారు. కానీ.. మహేష్ బాబు, అల్లు అర్జున్ లతో వరుస సినిమాలు చేస్తూ యమ బిజీగా ఉన్న రష్మిక నో చెప్పడంతో.. హీరోయిన్ దొరికే వరకూ ప్రొజెక్ట్ ను హోల్డ్ లో పెట్టారట. మరి అఖిల్ బాబుకి హీరోయిన్ ఎప్పుడు దొరుకుతుందో.. సినిమా ఎప్పుడు సెట్స్ కు వెళుతుందో.. ఎప్పుడు రిలీజ్ అవుతుందో.. ఎప్పటికీ అఖిల్ కి ఒక హిట్ దొరుకుతుందో అని అభిమానులందరూ ఆసక్తిగా ఎదురుచూస్తున్నారు.