Shankar Dada: ‘శంకర్‌ దాదా’ రీరిలీజ్‌… 50 రోజులు తర్వాత చూడకపోయుంటే… ఇప్పుడు!

November 1, 2023 / 10:16 AM ISTByFilmy Focus

Join Us

Shankar Dada: ‘శంకర్‌ దాదా’ రీరిలీజ్‌… 50 రోజులు తర్వాత చూడకపోయుంటే… ఇప్పుడు!

‘శంకర్‌ దాదా జిందాబాద్‌’ సినిమా చూశారా? చిరంజీవి కామెడీని ఓ లెవల్‌లో చూపించిన సినిమా ఇది. ఈ సినిమాను తొలి 50 రోజుల వరకు థియేటర్లో చూసినవాళ్లకు ఓ విషయం మిస్సింగ్‌. అదే ‘సందే పొద్దుల తాండే నీ జిమ్మదియ్య…’ పాట. సినిమా టీవీలో వచ్చినప్పుడో, డీవీడీల్లో వచ్చినప్పుడో చూద్దాం అనుకుంటే… అక్కడ కూడా లేదు. దీంతో ఈ పాట థియేటర్లలో చూసినవాళ్లకు తప్ప.. ఇంకెవరికీ కనిపించలేదు. అయితే ఇప్పుడు ఆ పాటను మళ్లీ చూసే అవకాశం వచ్చింది.

‘శంకర్‌దాదా ఎంబీబీఎస్‌’ సినిమాను మళ్లీ రిలీజ్‌ చేస్తున్నారు. దీనికి సంబంధించి ప్రచారం కూడా మొదలైంది. మొన్నీమధ్యనే ట్రైలర్‌ను రిలీజ్‌ చేశారు కూడా. ఈ క్రమంలో సినిమా టీమ్‌ నుండి ఆసక్తికర సమాచారం వచ్చింది. అదే ‘సందే పొద్దుల తాండే..’ పాటను కూడా సినిమాతోపాటు రిలీజ్‌ చేస్తున్నాం అని. నవంబర్ 4న సినిమా రీ రిలీజ్ కాబోతున్న నేపథ్యంలో ఈ న్యూస్‌ ఫ్యాన్స్‌కి కిక్కిచ్చేదే అని చెప్పాలి. అప్పుడు చూడనివారు ఇప్పుడు మళ్లీ చూడొచ్చు కదా.

ఆ పాట ఆ రోజుల్లో మంచి బజ్‌ పొందింది. హార్డ్‌కోర్‌ ఫ్యాన్స్‌ ఆ పాట కోసం మరోసారి సినిమాను చూశారు అని చెప్పొచ్చు. 2004లో ఈ సినిమా విడుదలైనప్పుడు అర్ధ శతదినోత్సవం తర్వాత యాడ్‌ చేశారు. చిరంజీవి, సోనాలి బింద్రేతో పాటు దేవిశ్రీ ప్రసాద్ కూడా ఈ పాటలో కనిపించారు. అయితే వీసీడీలు, శాటిలైట్ ఛానల్స్ టెలీకాస్ట్‌లతోపాటు యూట్యూబ్‌లో కూడా పాట అందుబాటులో లేదు. దీంతో థియేటర్లలో ఈ పాటకు ఇప్పుడు ఓ రేంజి స్పందన వస్తుంది అని అంటున్నారు.

హిందీలో మంచి విజయం అందుకున్న ‘మున్నాభాయ్ ఎంబీబీఎస్‌’ సినిమాకు రీమేక్‌గా (Shankar Dada) ‘శంకర్‌ దాదా ఎంబీబీఎస్‌’ రూపొందింది. అక్కడ సంజయ్‌ దత్‌ లీడ్‌ రోల్‌ చేయగా, ఇక్కడ చిరంజీవి చేశారు. ఈ సినిమా తెలుగుతోపాటు పాటు మరికొన్ని భాషల్లోనూ రీమేక్‌ అయ్యింది. అన్ని చోట్లా భారీ విజయమే అందుకుంది.